Merendas con contos: Unhas botas misteriosas

Un encontro para gozar dos contos en familia

Unhas botas misteriosas é unha sesión de narración oral protagonizada polos Ratos de Lonxedetodo, uns simpáticos ratiños e ratiñas que visitan a biblioteca para achegar os libros e a música ás crianzas.

A proposta está pensada para familias con nenos e nenas de 3 a 7 anos e combina historias, imaxinación e participación nun ambiente próximo e divertido. O obxectivo é fomentar o gusto pola lectura, descubrir novos relatos e reforzar o valor de compartir contos en familia. A actividade dispón de prazas limitadas e require inscrición previa.