O ceo está máis preto do que pensas

O planetario da Casa das Ciencias ofrece dúas sesións especiais en directo para descubrir o ceo nocturno:

• O ceo para informados: sesión para maiores de 14 anos, dirixida a persoas afeitas a observar o ceo e con coñecementos previos. Inclúe unha Postal planetaria a cargo de Borja Tosar, astrofísico colaborador dos Museos Científicos Coruñeses.
• O ceo do mes: proposta para maiores de 10 anos, pensada para público principiante e centrada nos detalles do ceo do mes entrante.

A entrada é gratuíta con invitación. As invitacións deben retirarse na recepción da Casa das Ciencias media hora antes do inicio de cada sesión, ata completar a capacidade. O límite é de dúas invitacións por persoa.