Todo Público Outono 2026 - AS PITAS BAIXO A CHOIVA
Espectáculo familiar de teatro de personaxes en galego, baseado no conto de Ricardo Carvalho Calero, sobre dúas galiñas que tentan escapar das trastadas dun neno coa axuda dos seus amigos.
Sobre el evento
Ludivina e Tereixa son dúas galiñas do curral da Barreira que esperan con ilusión a visita de Ricardiño. Porén, cando aparece a choiva, o neno transfórmase nunha ameaza: perségueas e pechaas no curral.
Coa colaboración do galo Chafarís e do raposo Rosende, as dúas protagonistas tentarán que Ricardiño supere a súa reacción ante a choiva e recupere o gusto por xogar con elas.
As pitas baixo a choiva é unha adaptación do conto de Ricardo Carvalho Calero, enriquecida con referencias a outras historias da súa obra. Teatro dos Ghazafelhos presenta unha peza de teatro de personaxes, en galego e pensada para o público familiar a partir de 5 anos. A autoría e dirección corresponden a Pepablo Patinho, cun elenco formado por Pablo Sánchez, Jorge Casas, Montse Piñón e Pepablo Patinho.
