"Xela, aventura na fraga", de Inma Soto

Inma Soto presenta un contacontos para a primeira infancia protagonizado por Xela, unha nena que se enfronta a un misterio na fraga. A aventura emprega a narración e a imaxinación para achegar ás crianzas a importancia do bosque autóctono, o coidado da natureza e o equilibrio que sostén os ecosistemas.

A proposta está pensada para nenas e nenos de 5 e 6 anos, acompañados por unha persoa adulta. É unha actividade gratuíta, con aforo limitado e inscrición previa. Forma parte do programa Apego, impulsado pola Normalización Lingüística do Concello da Coruña, e ofrece unha experiencia participativa para gozar en familia arredor dos contos e da educación ambiental.